sru:version: 1.2; sru:query: fcs.rf="mecmua.2_134"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.2_134"; sru:baseUrl: ; fcs:returnedRecords: 1; fcs:duration: PT0.026S PT0.031S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.2_134</phrase></query>)];

Ḥükemā‑i ʿAcem ü Hindle Rūm
İttifāq eylediler ki cümle ʿulūm

Yaʿnĭ emrāż‑i muḫtelif(e) ne‑ki var
Altı işden ṭoġar bilüñ her bār

Kes̱retile ṣaqın cimāʿ ėtme
Leẕẕetine anuñ ṭamaʿ ėtme

Gėce uyı vü gündüz ol bīdār
Ḥabs‑i bevl eyleme ṣaqın zinhār

Nıṣf‑i leyl olıcaq ṣaqın nā‑gāh
Uyanub ṣu içem dėme ey şāh

Hem ṭaʿām üstine yėme niʿmet
Tā ki görmeyesin ulu s̱iqlet

Ḥükemā bu söze qamu qāʾil
ʿUlemā ḥaq söze olur māʾil

Ulular çoq söze dehān açmaz
Geçid olmayınca ṣudan geçmez

ʿİlm‑i ḥikmet kelāmı çevherdür
Gūş‑i cāna daq anı gevherdür

Yėmek içmek olur ġıdā‑yi beden
Cān ġıdāsı olur kelām‑i ḥasen

der‑ṭebāyiʿu l‑aḫlāṭ

İmdi gel cānuña ġıdāsını dėr
Maʿrifet dānesini gendüñe dėr

Seni çünkim ḫudā ʿanāṣırdan
Ḫulq ėtdi bu dört cevāhirden

Biri āteş‑durur anuñ biri ṣafrā
Ḥār u yābis‑dur[ur] mizācı şehā

Ṣafravī olana ġıdā her dem
Bārid ü raṭb ola ki görmeye ġam

Yay faṣlı bunuñ muqābilidür
Çār‑i rüknüñ bu şarqa māyilidür

Cism içinde murāda dur tālī
Beñzi ṣarı ėder bunuñ tālī

Birine bārid dėr anuñ ḥükemā
Bu beden içre qan‑durur cānā

Ḥār [u] raṭb oldı [bil] mizācı anuñ
Berd ü yābis‑durur ʿilācı anuñ

Faṣl‑i evvel bahāradur naẓarı
Yüzi ḥümret ṭutar budur es̱eri